فعملية نوعية مع الفجر ديال السبت 9 غشت، وبالتنسيق بين الشرطة القضائية فتطوان والمديرية العامة لمراقبة التراب الوطني، ومعاهم حتى الدرك الملكي فوزان، تم توقيف 6 أشخاص، بينهم جوج عيالات، على خلفية تورطهم فشبكة كتروج الكوكايين.
المرحلة الأولى من العملية كانت فالمنطقة القروية الخربة، حيث تشد واحد الراجل وابنه، وتتحجز عندهم 4 كيلو و600 غرام ديال الكوكايين.
ومن بعد، فـ الدرادر، تشد المشتبه فيه الرئيسي اللي هو من نفس العائلة، وكان مقاوم وبدا يضرب من بندقية صيد على البوليس، ولكن تم السيطرة عليه هو وشخص آخر وجوج نساء. تحجزات البندقية وخرطوشتين، وسيف كبير، و200 غرام كوكايين إضافية، وميزانين كهربائيين، وجوج لوحات ترقيم مزورة، وخمس سيارات مشبوهة.
التنقيط بيّن أن الراس المدبر مبحوث عليه فـ مذكرتين على الصعيد الوطني فملفات ديال المخدرات.
الموقوفين كاملين تحطّو تحت تدبير الحراسة النظرية بأمر من النيابة العامة، والتحقيق مازال جاري باش يكشفو على باقي المتورطين.
